Itsasmuseum

Museoaren sarrera: Museora kaletik sartzeko gurpil-aulkiak erabil daitezke. Museoko ibilbide-espazio guztiak zabalak eta irisgarriak dira.

Komunak: Bisitariek komun irisgarriak dituzte museoko beheko eta goiko solairuetan, kabina berean integratutako konketarekin eta abisatzaile laguntza-gailu batekin. Beheko solairuko komunek haurtxoen aldagailua dute.

Igogailuak: Museoak beheko eta goiko solairuak lotzeko 2 igogailu ditu. Igogailuen neurriak egokiak dira umeen eta helduen gurpil-aulkientzat. Hots-seinalea eta braille botoi irisgarriak dituzte.

Mailegurako gurpil eta makila-aulkiak: Museoak mailegurako gurpil eta makila-aulkiak ditu behar duten bisitarientzat. Museoko leihatilan doan eska daitezke.

Txartel-lehiatila: Itsasmuseumeko leihatilan bisitariek bilduma iraunkorrari, aldi baterako erakusketei eta museoaren programazioari buruzko informazioa lor dezakete.

Plano haptikoa: Museoaren harreran

Atsedenlekuak: Atarian eta erakusketa iraunkorrean zehar, atsedenleku batzuk daude.

Zatoz Carola garabiaren historia ezagutzera! Carola garabi ikonikoaren 1:170 eskalako erreprodukzioa hau, 3D inprimagailu baten bidez sortu da, azido polilaktikoan edo PLA-n (biopolimeroa), bere jasangarritasunagatik nabarmentzen den materialean. Pieza honen helburua museoko bildumako piezarik garrantzitsuenetako bat ahalik eta jende gehienarengana hurbiltzea eta bere historiari buruzko hainbat bitxikeria kontatzea da. Hala, objektuarekin batera, informazioa irakurketa errazaz eta braillez idatzita duten koadernoak daude, eta zeinu-hizkuntzan eta azpitituluak, 4 hizkuntzatan, duen bideoa.

Bisita autogidatu irisgarria: Itsasmuseumek, Gorabiderekin lankidetzan, urritasun kognitibo edo intelektuala duten bisitariei bisita autogidatu irisgarria eskaintzen die, museoko leihatilan doan eska daitekeen mapa baten laguntzarekin.

Bisita eta Tailer irisgarriak: ItsasCaixa programari esker (La Caixa Fundazioaren eta Itsasmuseumen arteko lankidetza), jarduera batzuk doakoak dira irabazi-asmorik gabeko erakundeentzat edo edozein desgaitasun fisiko, ikusmen, entzumen, organiko edo kognitibo-intelektuala duten pertsona-taldeentzat, baita gizarte-bazterkeriako egoeran daudenentzat ere.